Компаниуд хүний эрхэд хэрхэн нөлөөлж буйгаа магадлан шинжлэх боломжтой боллоо

Улаанбаатар хотын худалдааны танхим Европын холбооны санхүүжилттэй НҮБ-ын Хөгжлийн хөтөлбөрөөс хэрэгжүүлж буй “Бизнес ба Хүний эрх: Хүний эрхийн магадлан шинжилгээ” сургалт есдүгээр сарын 7, 8-ны өдрүүдэд анх зохион байгуулж, үүнээс хойш есдүгээр сарын 27, 28 болон аравдугаар сарын 4, 5-ны өдрүүдэд мөн амжилттай зохиогдлоо.

Тус сургалт нь “Бизнес ба Хүний эрх Азийн хөтөлбөр”-ийн хүрээнд Улаанбаатар Хотын Худалдааны Танхимаас таван удаа зохион байгуулах төсөл юм. Сургалтаар

• Хүний эрхийн тухай ойлголт,
• Компанийн нийгмийн хариуцлага болон бизнес - Хүний эрхийн ялгаа,
• Бизнес ба Хүний эрхийн удирдах зарчмууд,
• Хүний эрхийн магадлан шинжилгээний тухай ойлголт, Үе шатууд,
• Хувь хүний нууц гэх мэт мэдлэг түгээхэд чиглэж байна.

Сургалтын үеэр сорил, асуулт хариулт, дасгал ажлууд, жишээнүүд гээд сонирхолтой, хөгжөөнтэй, мэдлэг, эргэцүүлэл, туршлага солилцсон сургалт боллоо гэж суралцагчид дүгнэж байв. Мөн цаашид хүний эрхийг хүндэтгэсэн, хамгаалсан, ажиллагсдадаа мэдлэг, ойлголт олгож, эерэг хандлага түгээх чиглэл рүү чиглэхийг эрмэлзэх болно хэмээсэн юм.

Сургалт одоогоор 60 гаруй суралцагчтай байгаа бөгөөд ирэх долоо хоног буюу аравдугаар сарын 11, 12-нд зохиогдоод дуусах юм. Тиймээс уг сургалтыг сонирхсон аж ахуйн нэгж, хувь хүмүүс доорх линкээр бүртгүүлэн суралцах боломжтой.

https://docs.google.com/forms/d/1myIpwOLqGuy_HK0mF_9D-znJeZzSc2SpFjMLDmZlupk/edit