COP17: БИЗНЕСИЙН ӨДӨРТ ОРОЛЦОВ

Улаанбаатар хотын худалдааны танхим COP17 "Бизнесийн өдөр" хөтөлбөрийн хүрээнд "Ногоон өртөө: Ногоон шилжилтийн Монголын дараагийн үеийн дэд бүтцийг бий болгох нь" буюу "Цахилгаан тээврийн хэрэгслийн дэд бүтцийн хөтөлбөр"-ийг танилцуулах уулзалтыг 8-р сарын 20-нд амжилттай зохион байгууллаа.

Уулзалтаар танхимын гишүүд, аж ахуйн нэгж, бизнес эрхлэгчид, иргэдэд хөтөлбөрийн зорилго, хэрэгжилт болон бизнесийн оролцооны боломжийн талаар дэлгэрэнгүй мэдээлэл хүргэж, цаашдын хамтын ажиллагааны талаар нээлттэй санал солилцов.

Тус хөтөлбөр нь:

• Монгол Улсад цахилгаан тээврийн хэрэгслийн хэрэглээг нэмэгдүүлэх

• Цэнэглэх дэд бүтцийн хүртээмжийг өргөжүүлэх

• Төр, хувийн хэвшлийн хамтын ажиллагааг дэмжих

• Байгаль орчинд ээлтэй тээврийн шилжилтийг хурдасгах

• Тогтвортой хөгжлийн зорилтуудыг бодитоор хэрэгжүүлэхэд хувь нэмэр оруулахад чиглэж байна.

Мөн Хөтөлбөрийн Албан ёсны нээлтийг 8-р сарын 24-нд 13 цагаас COP17-Ногоон бүс-Зүчи тайз дээр болно.  Нээлтээр хөтөлбөрийн цар хүрээ, хэрэгжилтийн үе шат, бизнесийн хамтын ажиллагаа, хувийн хэвшлийн оролцооны боломж болон цаашдын зорилтуудын талаар дэлгэрэнгүй танилцагдана. 

Та бүхнийг хүрэлцэн ирж, шинэ боломж, хамтын ажиллагааны эхлэлийг тавихыг хүндэтгэлтэйгээр урьж байна.