“Улаанбаатар-Хөрөнгө оруулалтын форум 2023”-д урьж байна

Улаанбаатар хотын худалдааны танхим болон НЗДТГ хамтран жил бүр зохион байгуулагддаг “Улаанбаатар–хөрөнгө оруулалт” форум 4-р сарын 20-нд зохион байгуулагдах гэж байна.

Тус форумын зорилго нь:

• НЗДТГ-аас ирэх жилүүдэд хэрэгжүүлэхээр төлөвлөж байгаа төсөл, хөтөлбөр, тендерүүдийг хувийн хэвшилд танилцуулах,
• Нийслэлээс хэрэгжүүлэх гэж байгаа төслүүдэд гадаад, дотоодын хөрөнгө оруулалтыг татах, хамтран хэрэгжүүлэх,
• Хувийн хэвшлээс УБ хотод хэрэгжүүлэхээр төлөвлөж байгаа төслүүдийг нийслэлээс дэмжин хамтран ажиллах,
• Гадаадаас оролцох хөрөнгө оруулагч нартай уулзах, төслөө танилцуулах, хамтын ажиллагаа тогтоох.

Иймд гишүүд, бизнес эрхлэгчид та бүхнийг тус форумд оролцож, нийслэлээс дэмжүүлэх шаардлагатай байгаа өөрсдийн санаачилж байгаа ТӨСЛӨӨ ТАНИЛЦУУЛАХЫГ урьж байна.

ХЭН оролцож болох вэ?

• Нийслэлээс хэрэгжүүлэхээр төлөвлөж байгаа төсөл (LRT байгуулах төсөл г.м.), хөтөлбөрүүд, зарлагдах тендерүүдийн талаар МЭДЭЭЛЭЛ АВАХ хүсэлтэй ААН-үүд,
• Нийслэлээс болон хувийн хэвшлээс хэрэгжүүлэх төслүүдэд хөрөнгө оруулалт хийх сонирхолтой ХӨРӨНГӨ ОРУУЛАГЧИД;
• Хөрөнгө оруулалт болон нийслэлээс дэмжлэг авч нийслэлд хэрэгжүүлэх төслөө танилцуулах хүсэлтэй ТӨСӨЛ ХЭРЭГЖҮҮЛЭГЧ компаниуд.

Иймд Та бүхэн энд дарж урьдчилсан бүртгэлд бүртгүүлэн, төсөл танилцуулах бол танилцуулах төслийн нэрээ 2023 оны 3-р сарын 29-ний дотор ирүүлнэ үү.

Анхаарах зүйлс:

• Одоогоор төслийн танилцуулга болон бичиг баримт бүрэн биш бол Та одоо танилцуулах төслийн нэрээ ирүүлээд, 4-р сарын 15 хүртэл танилцуулгаа бэлдэж байгаад танилцуулж болно.
• Төслийг 2 аргаар танилцуулж болно: 1/ хурлын зааланд дэлгэцээр харуулан танилцуулах, 2/ үзэсгэлэнгийн талбайд оролцон танилцуулах.

Дэлгэрэнгүй мэдээлэл авахыг хүсвэл дараах утас, имэйлээр холбогдоно уу:

Имэйл: ceo@ubchamber.mn; info@ubchamber.mn

Утас: 9109-5757, 9903-0694