Хөдөө аж ахуйн тооллого орон даяар эхэллээ

Үндэсний статистикийн хорооноос орон даяар тавдугаар сарын 21-нээс хөдөө аж ахуйн ээлжит тооллогыг орон даяар эхлүүллээ. Долоодугаар сарын 8-ныг хүртэл зохион байгуулах тооллогод :

• Мал аж ахуй
• Газар тариалан
• Ойн аж ахуй
• Ан агнуур 
• Загас барилгын салбарын үйлдвэрлэл эрхлэгч иргэн, аж ахуйн нэгжүүд хамрагдах юм байна.  

"Тооллогын үр дүнд Монгол Улслын хөдөө аж ахуйн салбарын үндсэн үзүүлэлтүүд болон салбарын бүтцэд гарч байгаа өөрчлөлтийг тооцон, дүн шинжилгээ хийнэ. Цаашид салбарын хөгжлийн бодлого боловсруулах, түүний хэрэгжилтийг дүгнэхэд шаардагдах дэлгэрэнгүй мэдээллийг гаргаж, тухайн салбарт үйлдвэрлэгдсэн нийт бүтээгдэхүүний хэмжээг тооцох зэрэг бусад нэмэлт мэдээллийг цуглуулах боломж бүрдэж байгаагаараа  ихээхэн ач холбогдолтой" хэмээн Хөдөө аж ахуйн тооллогын улсын комиссоос онцлоод, тооллогодоо идэвхтэй оролцохыг ард иргэд, аж ахуйн нэгжүүддээ уриалав.