"Монголын Эдийн Засгийн Форум 2022 - Шинэ сэргэлт” хэлэлцүүлэгт 400 гаруй төлөөлөгч оролцоно

Монголын эдийн засгийн чуулганыг угтан энэ сарын 21-30-ны хооронд зургаан дэд сэдвээр хэлэлцүүлгүүд зохион байгуулна.

Эдийн засгийн форумыг угтан 17 салбарын хурал болно. Эхний хэлэлцүүлэг гуравдугаар сарын 21-нд болно. Харин үндсэн хэлэлцүүлэг дөрөвдүгээр сарын 7-8-нд болно.

Эрчим хүчний сэргэлт
Боомтын сэргэлт
Аж үйлдвэржилтийн сэргэлт
Хот, хөдөөгийн сэргэлт
Ногоон хөгжлийн сэргэлт
Төрийн бүтээмжийн сэргэлт

Хэвлэлийн хуралд “Монголын Эдийн Засгийн Чуулган” ТББ-ын гүйцэтгэх захирал Д.Жаргалсайхан, чуулганыг зохион байгуулах ажлын хэсгийн ахлагч, Сангийн сайд Б.Жавхлан болон бусад сайд нар, хувийн хэвшлийн төлөөллүүд оролцож мэдээлэл өглөө.

Шинэ сэргэлтийн бодлого сэдвийн дор эдийн засгийн форумыг ирэх сарын 7-8-нд зохион байгуулах юм.

Эдийн засгийн форумыг зохион байгуулах нөхцөл хэвийн болсон гэж Засгийн газар үзжээ. Манай улс өндөржүүлсэн бэлэн байдлын зэргээ бууруулж, хилээ нээсэн. Вакцинжуулалтын хувь өндөр байгаа юм.

Засгийн газраас дэвшүүлсэн “Шинэ сэргэлтийн бодлого” батлагдаж, хөгжлийн олон төслийг УИХ-аар батлуулсан. Ингэснээр гадаад, дотоодын хөрөнгө оруулагчдыг урих, төсөл хөтөлбөрт оролцуулах шаардлага үүсжээ.

Мөн тавдугаар сард болох дэлхийн эдийн засгийн форумд шинэ сэргэлтийн бодлогоо танилцуулна. Энэ ажлын бэлтгэл болгож, эдийн засгийн форумыг хийх болжээ.