СЗХ хэд хэдэн компанид тусгай зөвшөөрөл олголоо

Санхүүгийн зохицуулах хорооны ээлжит хуралдаан болсон байна. Хуралдаанаар хоёр компанийн хаалттай хүрээнд санал болгон гаргаж буй өрийн хэрэгслийг бүртгэхээр шийдвэрлэжээ. Мөн гурван хадгаламж, зээлийн хоршооны үйл ажиллагаа эрхлэх тусгай зөвшөөрлийн хугацааг сунгахын зэрэгцээ даатгалын зуучлагчийн болон төлөөлөгчийн үйл ажиллагаа эрхлэх тусгай зөвшөөрлийг гурван компанид олгохоор шийдвэрлэсэн байна.

Түүнчлэн банк бус санхүүгийн үйл ажиллагаа эрхлэх тусгай зөвшөөрлийг гурван компанид, үнэт металл, үнэт чулууны, эсхүл тэдгээрээр хийсэн эдлэлийн арилжаа эрхлэгчийн үйл ажиллагаа эрхлэх тусгай зөвшөөрлийг хоёр иргэнд, үл хөдлөх эд хөрөнгө зуучлалын байгууллагын үйл ажиллагаа эрхлэх тусгай зөвшөөрлийг гурван компанид олгохоор тус тус  шийдвэрлэлээ гэж СЗХ-ноос мэдээллээ.