Нийслэлийн энэ оны төсөвт дүн шинжилгээ хийжээ

Монгол Улсын засаг захиргаа, нутаг дэвсгэрийн нэгж, түүний удирдлагын тухай хууль, Нийслэл Улаанбаатар хотын эрх зүйн байдлын тухай хууль хэрэгжиж эхэлсэн.

Иймд Азийн сангийн Хотын засаглалыг сайжруулах төслийн хүрээнд Нийслэлийн төсвийн ерөнхий төлөв байдлын судалгааг хийж байна. Нийслэлийн энэ оны батлагдсан төсөвт хийсэн дэлгэрэнгүй дүн шинжилгээний урьдчилсан үр дүнг танилцуулжээ. Судалгааг “Эм Эм Си Жи ХХК” гүйцэтгэсэн байна.

• “Нийслэлийн 2022 оны батлагдсан төсөвт хийсэн дүн шинжилгээ”,
• “Нийслэлийн төсвийн орлого бүрдэлтэд хийсэн шинжилгээ”-ний үр дүнг танилцуулсан юм.

Уулзалтад Нийслэлийн Засаг даргын Эдийн засгийн хөгжил, төр, хувийн хэвшлийн түншлэлийн асуудал хариуцсан нэгдүгээр орлогч Ж.Сандагсүрэн, Олон улсын валютын сангийн суурин төлөөлөгч Юн Сок Хён, Азийн сангийн суурин төлөөлөгч Марк Кэйниг, Дэлхийн банк, НЗДТГ болон албаныхан оролцож санал солилцлоо гэж Нийслэлийн сургалт, судалгаа, олон нийттэй харилцах газраас мэдээлэв.