Тогтвортой хөгжлийн зорилго-Эрүүл мэндийг дэмжих зорилт "MSM групп" ХХК

Улаанбаатар хотын худалдааны танхимын гишүүн компани аж ахуйн нэгж Тогтвортой хөгжлийн зорилгын хүрээнд хийж буй ажлыг олон нийтэд хүргэж байна.

Тус танхимын гишүүн “MSM групп” ХХК-ийн хамт олон Эрүүл мэндийг дэмжих зорилтын хүрээнд дараах ажлыг хийж гүйцэтгэн, тогтмолжуулж чадсанаар халдвар авах хүний тоо эрч буурч өвчлөлгүй болжээ. Нийгмийн хариуцлагаа ухамсарлан, Эрүүл мэндийг дэмжих зорилтын хүрээнд ажилтан болон харилцагч нарт үүсэх эрсдэлийг хамгаалж, шаардлагатай арга хэмжээг авч ажилласан “MSM групп” ХХК-ийн хамт олонд улам их амжилт хүсье.

-НОК, УОК -оос гаргасан шийдвэрүүдэд уялдуулсан Ковид19 халдвараас сэргийлэх төлөвлөгөөг байгууллагын удирдлагаар батлуулж, шаардлагатай нэмэлт өөрчлөлтүүдийг тухай бүрт оруулж хэрэгжүүлжээ.

-“Интермед” эмнэлэгтэй гэрээ байгуулж шинж тэмдэг илэрсэн ажилчдаа түргэвчилсэн болон PCR шинжилгээг яаралтай хийлгээ хэвшив.

-Ковид19 ийн эсрэг дархлаажуулалтын I, II, III тунд ажилчдаа нэгдсэн журмаар хамруулах ажлыг цаг тухай бүр амжилттай зохион байгуулав.

-Ковид19 халдвар болон тархалтын талаарх дотоод ажилчдад зориулсан тоон мэдээг өдөр бүр нийт ажилчиддаа хүргүүлж, шаардлагатай мэдээллээр ханган ажиллаж хэвшжээ.

-Ажлын байрны ариутгал халдваргүйжүүлэлтийг эрх бүхий мэргэжлийн байгууллагатай гэрээ байгуулж хоёр долоо хоног тутамд ариутгуулж байна.

-УОК болон НОК ЭМЯ-наас гаргасан бусад бүх зөвлөмж шаардлагуудыг өдөр тутмын үйл ажиллагаандаа мөрдөж ажиллаж ирсэн.