2030 он гэхэд зах зээл дэх нийт борлуулалтын талыг цахилгаан автомашин бүрдүүлнэ
Автомашин үйлдвэрлэгч компаниудын дунд хийсэн судалгаагаар 2030 он гэхэд дэлхийн томоохон зах зээл дэх автомашины борлуулалтын тал орчим хувийг цахилгаан автомашин бүрдүүлэхээр байна.
Тухайлбал: АНУ, Япон болон БНХАУ-ын зах зээлд нийт борлуулалтын 52 хувийг цахилгаан автомашин эзлэхээр байгаа аж.
Харин Европын зах зээлийн 49 хувийг бүрдүүлэхээр байгааг “KPMG” байгууллагын судалгаа харуулж байна. Тус судалгаанд автомашин үйлдвэрлэгч компаниудын 1000 гаруй удирдах албаны хүмүүс оролцжээ. Автомашин үйлдвэрлэгч компаниуд цахилгаан автомашины чиглэлд аль хэдийн олон тэрбум ам.доллар зарцуулж эхлээд байгаа аж.
“General Motors” компани ирэх 10 жилийн хугацаанд зөвхөн цахилгаан автомашин үйлдвэрлэх зорилт тавиад байгаа бол “Ford Motors” 2030 он гэхэд нийт борлуулалтынхаа 50 хувийг цахилгаан загвар байлгахаар зорьж байна.
