“Goldman Sachs”-ийн шинжээчид АНУ-ыг эдийн засгийн уналтад орохгүй гэж үзэж байна

Инфляц болон бодлогын хүүгийн өсөлт хоорондын эгзэгтэй нөхцөл байдал ирэх оны турш хадгалагдах ч ам.долларын ханшийн өсөлт үргэлжилнэ гэж “Goldman Sachs” банкны стратегичид үзэж байна.

Эдийн засаг болон хөдөлмөрийн зах зээл уналтыг тэсвэрлэж, бусад улсын Төв банкнууд Холбооны Нөөцийн банкны бодлогын хүүгээ өсгөх эрчтэй зэрэгцэхийг хичээж буй үед ам.долларын ханш цаашид улам чангарах орон зай байна хэмээн тэд дүгнэжээ. “Одоогоос эхлэн ам.долларын өсөх хөдөлгөөн энэ оныг бодвол илүү савлагаатай, тогтмол бус байх хүлээлттэй байна” гэсэн байна.

Төв банкнаас бодлогын хүүгээ дөрвөн удаа 75 суурь нэгжээр өсгөснийхөө дараа ч дахин өсгөх дохио өгсөөр байсан нь ам.долларын ханшийг энэ онд есөн хувиар чангарахад нөлөөлжээ. 

“Goldman Sachs” банкны шинжээчид АНУ-ыг эдийн засгийн уналтад орохгүй гэж тооцоолж байгаа юм. Тодруулбал: дараагийн 12 сард уналт нүүрлэх магадлал 35 хувь гэж тооцоолсон ч бусад улс  дахь эдийн засгийн уналт, санхүүгийн тогтвортой байдалд нүүрлэх эрсдэл нь ам.долларын ханшийг улам чангаруулж магадгүй гэж үзжээ.

Эх сурвалж: Bloomberg