• Дотоод мэдээ
  • Эрдэс баялгийн салбараас улсын төсөвт төвлөрүүлсэн орлого эхний улиралд 53 хувиар буурсан

Эрдэс баялгийн салбараас улсын төсөвт төвлөрүүлсэн орлого эхний улиралд 53 хувиар буурсан

2022/05/13

УУХҮЯ: Эрдэс баялгийн салбараас улсын төсөвт төвлөрүүлсэн орлого 1-р улиралд 53 хувиар буурсан

Эрдэс баялгийн салбараас улсын төсөвт төвлөрүүлсэн орлого оны эхний улирлын байдлаар 738.3 тэрбум төгрөг болж, өмнөх оны мөн үеэс 53.1 хувиар буурсныг Уул уурхай, Хүнд үйлдвэрийн яам мэдээллээ. Улсын нэгдсэн төсвийн орлогын 18.8 хувийг бүрдүүлсэн байна.

Эрдэс бүтээгдэхүүний экспорт бууралттай байгаа нь салбарын орлого буурахад ихээхэн нөлөөлж байна.

Оны эхний дөрвөн сарын байдлаар зэсийн баяжмал, алтны экспорт өссөн бол бусад эрдсийн экспорт огцом буурчээ.

Тухайлбал: төмрийн хүдрийн экспорт тайлант хугацаанд 1.02 сая тонн болж, өмнөх оны мөн үеэс 61 хувиар буурсан байна. Мөн экспортын дүн 70 хувиар буурч, 102 сая ам.доллар болжээ. Төмрийн хүдрийг 100 хувь БНХАУ-д экспортолсон байна. Дөрөвдүгээр сард дундаж үнэ нь 111.3 ам.доллар буюу жилийн өмнөхөөс 28 орчим ам.доллароор бага байжээ.

Мөн хугацаанд хайлуур жоншны экспортын биет хэмжээ 77.4 мянган тонн болж, өмнөх оны мөн үеэс 69.8 хувиар буурсан байна. Жоншны дийлэнхийг ОХУ-д багахан хэсгийг БНХАУ-д гаргасан байна. БНХАУ-тай хиллэдэг боомтуудын үйл ажиллагаа зогсонги байгаатай холбоотойгоор экспорт хийхэд хүндрэлтэй байгааг “Баялаг жонш” компанийн Гүйцэтгэх захирал онцолж байв.

Цайрын хүдэр баяжмалын экспорт 5.4 хувиар буурсан бол хар тугалганых 26.9 хувиар буурчээ. Уул уурхай, Хүнд үйлдвэрийн яамны мэдээллээр төмрийн хүдрээс бусад эрдсийн үнэ гадаад зах зээлд өсөлттэй байна.

Ялангуяа цайр, алтны төсөвт төвлөрүүлсэн орлого өмнөх оны мөн үеэс өсжээ. Харин зэс, нүүрс, хайлуур жонш зэрэг эрдэс бүтээгдэхүүнийх буурсан байна.

Холбоотой мэдээлэл
Давосын Эдийн засгийн чуулган эхэллээ
2022/05/23
БНСУ, Монгол Улсын бизнес эрхлэгчид олон салбарт хамтран, харилцан ашигтай ажиллах боломжийг нэмэгдүүлнэ
2022/05/20
Засгийн газар: Элсэн чихэр, ёотон, ургамлын тос, цагаан будааг гаалийн татвараас чөлөөлөхөөр шийдвэрлэв
2022/05/18
Л.Халтар: Европоос ОХУ-аар дамжин Монгол руу хийх тээвэр одоогоор хэвийн явж байна
2022/05/17
Бизнес дэх хөнгөлөлт чөлөөлөлт нь НӨАТ-ын хэрэгжилтийг гажуудуулдаг
2022/05/16
Эрдэс баялгийн салбараас улсын төсөвт төвлөрүүлсэн орлого эхний улиралд 53 хувиар буурсан
2022/05/13
Яам, агентлаг, нутгийн захиргааны байгууллагууд ирэх онд 41 их наяд төгрөгөөр 643 төсөл хэрэгжүүлэх санал ирүүлжээ
2022/05/11
УБХТ, GS1-Монгол байгууллага хамтран ЖДҮЭ эмэгтэйчүүдийг сургалтанд хамрууллаа
2022/05/10
ОУВС: Чинээлэг иргэдэд төрөөс үзүүлдэг дэмжлэгийг зогсоовол инфляц буурах боломжтой
2022/05/06
Үндсэн цэс