• Дотоод мэдээ
  • Зайнаас ажиллахын ашиг тус ба хэрэгцээ шаардлага

Зайнаас ажиллахын ашиг тус ба хэрэгцээ шаардлага

2022/01/18

 

 

Ковид-19 цар тахал нь бидний хэрхэн, хаанаас ажиллах вэ гэдэг ойлголтыг эрс өөрчилсөн. Маш олон салбарууд ажилчдаа бүрэн зайнаас ажиллах хэлбэрт шилжүүлэхийн хэрээр байгууллагын бүх түвшний хүмүүс ажлын байртай харилцах харилцаагаа эргэн харж, виртуал зайн нөхцөлд хамтран ажиллагсад болон үйлчлүүлэгчидтэйгээ харилцах харилцаагаа хэрхэн удирдах талаар дахин суралцах шаардлагатай болсон. linkedIn мэдээллээс үзэхэд зайнаас ажиллах ажлын байрны зар 2020 оны 3 дугаар сараас 2021 оны 5 дугаар сарын хооронд 357 хувиар өссөн байна.  Цар тахлын тархалт үргэлжилж, хязгаарлалтууд хэлбэлзэж байгаа энэ үед бид хэрхэн хэвийн байдлыг дахин тодорхойлох вэ?

Ажил олгогч болон ажилчид цар тахлын үед зайнаас ажиллах туршлагаа эргэцүүлэн бодож, ирээдүйн ажлын байрныхаа талаар шийдвэр гаргаж байна. Зарим нь зайнаас ажиллах байдлыг эерэг өөрчлөлт гэж хардаг бол зарим нь энэ сорилтод эерэгээр ханддаггүй.

Ажлын орчин нь хүмүүсийн ажлаа солих шийдвэрт нөлөөлөх гол хүчин зүйлүүдийн нэг  болж байна. Цар тахлын өмнө буюу 2017 онд АНУ-д зайнаас ажиллах ажлыг санал болгох явдал одоогийнхоос 25%-иар бага байсан. Өнөөдөр ажлаа солих бодолтой байгаа хүмүүсийн дөрөвний нэг нь ажил амьдралын тэнцвэртэй байдлыг хангахыг хүсч байгаатай холбоотой гэж үзжээ.

 

Бидний урьд нь мэддэг байсан “ажлын ертөнц” өнгөрсөнд үлдсэн.

 

Цар тахал болон алсын зайн ажлын зохицуулалт нь ажилчдын бүтээмж, оролцоо, харилцаа болон бусад зүйлд хэрхэн нөлөөлсөнийг олж мэдэхийн тулд 2021 онд АНУ, Европын нийт 25 салбарын 880 ажилчдын дунд Hogan Assessments-аас судалгаа (Benefits and Challenges of Remote Work’ Survey report ) хийсэн байна. Судалгааны  үр дүнд:

  • Судалгаанд хамрандсан ажилчдын 87 хувь нь ямар нэг байдлаар зайнаас ажиллах хүсэлтэй гэсэн байна.
  • Зайнаас ажиллах нь оффисоос ажиллаас хэр үр дүнтэй байна вэ? гэсэн асуултанд 43 хувь нь илүү үр дүнтэй байсан гэж хариулсан бол 44 хувь нь ижил байсан, 13 хувь нь бүтээмж бага байсан гэж хариулжээ.
  • Зайнаас ажиллах багийн бүтээмжийн хувьд 95 хувь нь бүтээмжтэй гэж хариулсан байна.
  • Зайнаас ажиллахын давуу тал юу вэ? гэсэн асуултанд стресс ядаргаа бага, хаанаас ч ажиллах боломжтой, уян хатан цагийн хуваарьтай, ажил амьдралын баланс сайжирсан гэжээ.
  • Алсын зайнаас ажиллах хамгийн тохиромтой хуваарь 56 хувь нь долоо хоногт 2-3, 33 хувь нь долоо хоногт 1-2, 25 хувь нь долоо хоногт 4-5 гэж хариулжээ.
  • Зайнаас ажиллах Top challenge буюу сорилт нь хамтын ажиллагаа, харилцаа холбоо, урам зориг буюу мотиваци авах гэжээ.

Ажилчид болон багийн бүтээмж урьд өмнө байгаагүй өндөр, уян хатан хуваарьтай шинэ стандарт болсон тул ажил олгогчид зайнаас ажиллах бодлогоо өөрчлөх нь ажиллах хүчинд хэрхэн нөлөөлөхийг нухацтай авч үзэх шаардлагатай болж байна.

Алсын зайн ажил нь бидний ажиллах арга барилын салшгүй хэсэг болж үлдэх болно. Тиймээс компаниуд "шинэ хэвийн байдалдаа" бэлтгэх цаг болжээ.

Холбоотой мэдээлэл
Давосын Эдийн засгийн чуулган эхэллээ
2022/05/23
БНСУ, Монгол Улсын бизнес эрхлэгчид олон салбарт хамтран, харилцан ашигтай ажиллах боломжийг нэмэгдүүлнэ
2022/05/20
Засгийн газар: Элсэн чихэр, ёотон, ургамлын тос, цагаан будааг гаалийн татвараас чөлөөлөхөөр шийдвэрлэв
2022/05/18
Л.Халтар: Европоос ОХУ-аар дамжин Монгол руу хийх тээвэр одоогоор хэвийн явж байна
2022/05/17
Бизнес дэх хөнгөлөлт чөлөөлөлт нь НӨАТ-ын хэрэгжилтийг гажуудуулдаг
2022/05/16
Эрдэс баялгийн салбараас улсын төсөвт төвлөрүүлсэн орлого эхний улиралд 53 хувиар буурсан
2022/05/13
Яам, агентлаг, нутгийн захиргааны байгууллагууд ирэх онд 41 их наяд төгрөгөөр 643 төсөл хэрэгжүүлэх санал ирүүлжээ
2022/05/11
УБХТ, GS1-Монгол байгууллага хамтран ЖДҮЭ эмэгтэйчүүдийг сургалтанд хамрууллаа
2022/05/10
ОУВС: Чинээлэг иргэдэд төрөөс үзүүлдэг дэмжлэгийг зогсоовол инфляц буурах боломжтой
2022/05/06
Үндсэн цэс