ЦАХИЛГААН ТЭЭВГИЙН ХЭРЭГСЛИЙН ДЭД БҮТЦИЙН ХӨТӨЛБӨРИЙГ ТАНИЛЦУУЛЛАА

5-р сарын 28-нд зохион байгуулагдсан “УЛААНБААТАР В2В-СЭРГЭЭГДЭХ ЭРЧИМ ХҮЧ БА НОГООН ШИЙДЭЛ” бизнес уулзалтаар Улаанбаатар хотын танхимаас хэрэгжүүлэх “Цахилгаан тээврийн хэрэгслийн дэд бүтцийн хөтөлбөр”-ийг танхимын Гүйцэтгэх захирал Б.Хаш-Эрдэнэ танилцуулав. 

Тус хөтөлбөр нь Монгол Улсын агаарын бохирдлыг бууруулах тогтвортой хөгжлийг дэмжих болон импортын түлшнээс хараат байдлыг бууруулах зорилгоор үндэсний хэмжээний цахилгаан тээврийн хэрэгслийн цэнэглэгч сүлжээг байгуулах хөтөлбөр юм.

Хөтөлбөрийн зорилго нь цахилгаан машинтай хэрэглэгчдэд шаардлагатай, хурдан цэнэглэх станцуудыг ААН-үүдийн хөрөнгө оруулалт, хамтралаар барина. 

Тухайлбал, энэхүү хөтөлбөр нь зөвхөн дэд бүтэц байгуулахаас илүү байгаль орчинд, эдийн засагт, бизнесийн эрх зүйн орчинд бодит өөрчлөлт авчрах урт хугацааны жишиг хөтөлбөр юм. ААНОАТ-ын тухай хуулийн 22.9 заалтын дагуу аж ахуйн нэгжүүд татвар ногдох орлогын 1% хүртэлх хэмжээний хандив, хөрөнгө оруулалтыг ниймийн хариуцлагын хүрээнд хандивлах боломжтой.

Ингэснээр байгальд ээлтэй, нүүрс хүчлийн хийн ялгарал багасаж, 33 мянган янданг буулгасантай дүйх хэмжээний агаарын бохирдлыг багасгана. Хосолмол машинуудын батарейны хог хаягдлыг бууруулахад ч нөлөөтэйгээс гадна 300 сая литр түлшний хэрэглээг бууруулж, хараат байдал багасах юм.

Цэнэглэгчийг жолооч нарын амархан хүрч очих цэгүүдэд буюу томоохон сүлжээ дэлгүүрийн дэргэд буюу энэ онд нийт 80 станцыг хотын төвд болон захад тэнцүү хуваарилахаар төлөвлөсөн юм.