УИХ-Д СУУДАЛТАЙ НАМУУДЫН УДИРДЛАГУУДТАЙ УУЛЗАХ ЦУВРАЛ УУЛЗАЛТААР ХҮН НАМЫН УДИРДЛАГУУДТАЙ УУЛЗЛАА

Улаанбаатар хотын худалдааны танхим, CEO клуб хамтран УИХ-д суудалтай намуудын дарга, УИХ-ын гишүүдтэй уулзах уулзалтыг цуврал болгон зохион байгуулж байгаа билээ. Энэхүү уулзалтын эхнийх болох ХҮН намын дарга, Шадар сайд Т.Доржханд болон ХҮН намаас УИХ-д сонгогдсон гишүүдийн төлөөлөлтэй Монгол улсын томоохон бизнес эрхлэгчдийг уулзуулах уулзалтыг 1-р сарын 29-нд зохион байгуулж бизнесийн орчныг сайжруулах, улс орны хөгжлийн гарц, шийдлийн талаар санал солилцов.

Тухайлбал эрчим хүчний реформ, татварын орчин, нийгмийн даатгалын тогтолцоо гэх мэт асуудлуудын хүрээнд тодорхой шийдлүүдийг ярилцсанаас гадна ХҮН намын дарга Т.Доржханд УИХ, Засгийн газраас эрчим хүчний реформ, боловсролын салбарт хэрэгжүүлэхээр төлөвлөж буй ажлууд, хөрөнгө оруулалт, бизнесийн орчныг сайжруулах чиглэлээр баримталж буй бодлого, шийдлүүдийн талаар мэдээлэл хийж ажил хэрэгч, үр дүнтэй уулзалт боллоо.

Дараагийн уулзалтыг АН-ын удирдлагуудтай хийхээр төлөвлөж байна.

Бид бизнес эрхлэгч, ААН-үүдийн дуу хоолой болж ажиллах зорилгоор олон төрлийн ажил хэрэгч, чөлөөт уулзалтуудыг тогтмол зохион байгуулдаг бөгөөд Та бүхэн Улаанбаатар хотод бизнес эрхэлдэг бол манай гишүүн болсноор мэдээлэлд хамгийн ойр болох болно.

Холбогдох утас: 7700-3883