МОНГОЛ-АВСТРИЙН БИЗНЕС ФОРУМ 15 ДАХЬ ЖИЛДЭЭ ЗОХИОН БАЙГУУЛАГДЛАА

“Монгол, Австри хоёр улс улс төрийн дипломат харилцааны 61 жилийн түүхтэй. Энэ жил тус бизнес форумын 15 жилийн ой тохиож байгаа бөгөөд форумд Монголын талаас 40 гаруй компанийн төлөөлөл оролцсон бол Австрийн талаас эмнэлгийн тоног төхөөрөмж, сүүн бүтээгдэхүүний үйлдвэр, сүлжээ, мах, махан бүтээгдэхүүний үйлдвэрлэлэ, сүлжээ, сав баглаа, цаас, мод, төмөр үйлдвэрлэл, нийлүүлэлт, бүх төрлийн тайз угсралт зэрэг чиглэлээр үйл ажиллагаа эрхэлдэг томоохон компаниудын төлөөлөл ирж хоёр улсын бизнес, худалдааны боломжуудын талаар санал солилцож, В2В уулзалтууд болов.

Монгол, Австри улсын хоорондох худалдааны эргэлт 2022 онд 43.5 сая ам.доллар байсан бол өнгөрсөн оны байдлаар 65.4 сая ам.долларт хүрч 150 хувиар өсжээ.

Гэхдээ Монгол Улсаас гарсан экспортын дүн 6.1 саяас 3.3 сая ам.доллар болж буурсан байна. Энэ нь манай улсаас гарах экспортын тоо хэмжээ, төрөл зүйлийг нэмэгдүүлэх, экспортын бүтээгдэхүүн хөгжүүлэлтэд худалдааны тэнцлийг ойртуулах шаардлагатайг харуулж байгааг өнөөдөр болсон хоёр орны бизнес форумын үеэр хөндөгдөж байв..

Форумаар мөн “Сонгуулийн өмнөх Монгол Улс- Эдийн засгийн төлөв” хэлэлцүүлгийг өрнүүлсэн бөгөөд Ард Санхүүгийн Нэгдлийн Гүйцэтгэх захирал Ч.Ганхуяг, Эдийн засаг, хөгжлийн яамны Төрийн нарийн бичгийн дарга И.Батхүү, ЕСБХБ-ны Монгол дахь Суурин төлөөлөгч Ханнес Такач нар панелистаар оролцсон юм.