НИЙСЛЭЛИЙН ЗАСАГ ДАРГА Х.НЯМБААТАРТАЙ УБХТ-ЫН ГИШҮҮН БАЙГУУЛЛАГУУД УУЛЗЛАА

Улаанбаатар хотын худалдааны танхимаас гишүүн байгууллагуудынхаа шинэ төсөл, санал, бодол, санаачилгаа танилцуулах зорилгоор Нийслэлийн Засаг дарга бөгөөд Улаанбаатар хотын захирагч Х.Нямбаатартай 4-р сарын 4-ний өдөр ажил хэрэгч уулзалт зохион байгууллаа.

Уулзалтаар танхимын гишүүн байгууллагууд өөрт тулгамдаж буй асуудлууд болон төсөл, саналуудаа танилцуулсан бөгөөд хотын захирагч НЗДТГ-ын хэрэгжүүлж буй болон хэрэгжүүлэхээр зорьж буй ажлуудын талаар танилцуулав.

Цаашид төр, хувийн хэвшлийн хамтралыг илүү ажил хэрэгчээр үргэлжлүүлж хамтрах, хотын тулгамдаж буй асуудлыг шийдвэрлэхэд дан ганц төр гэхээс илүүтэйгээр хувийн хэвшлийн туршлага, мэдлэг, нөөц бололцоо, оролцоо нэн чухал болохыг онцлов. Мөн Улаанбаатар хотод үйл ажиллагаа эрхэлж буй хувийн аж ахуйн нэгж, байгууллагуудыг хотын зүгээс салбар бүрийн хүрээнд дэмжин ажиллах, цаашид нийслэлтэй хамтран ажиллах боломжийн талаар ярилцсан юм.