"Бизнес ба хүний эрхийн магадлан шинжилгээ" сэдэвт VIP сургалт амжилттай боллоо

Европын холбооны санхүүжилттэй НҮБ-ын Хөгжлийн хөтөлбөрийн төслийн хүрээнд "Бизнес ба хүний эрхийн магадлан шинжилгээ" захирлуудад зориулсан VIP сургалтыг Улаанбаатар хотын худалдааны танхим 11-р сарын 1-нд амжилттай зохион байгууллаа.

Сургалтаар:

• Хүний эрхийн магадлан шинжилгээ хийх  ач холбогдол

• Компанийн нийгмийн хариуцлага болон бизнес-хүний эрхийн ялгаа,

• Бизнес ба хүний эрхийн удирдах зарчмууд,

• Хувь хүний мэдээлэл хамгаалах тухай

• Хүний эрхийн магадлан шинжилгээний тухай ойлголт, үе шатууд гэх мэт чухал чиглэлүүдийн мэдээлэл өгч, суралцагчдыг цаашид хүний эрхийг хүндэтгэх, хамгаалах чиглэлээр компани дээрээ тодорхой арга хэмжээ авч, ажилчиддаа энэ талаарх мэдлэг, ойлголт олгож, эерэг хандлага түгээхийг захирал, удирдах албан тушаалтнуудад уриалсан үр дүнтэй сургалт боллоо.

Улаанбаатар хотын худалдааны танхим цаашид дээрх санхүүжилтээр танхимын гишүүн хоёр байгууллагад "Хүний эрхийн магадлан шинжилгээ" хийх юм. Иймд тус үйл ажиллагаанд хамрагдах хүсэлтэй байгууллага бидэнтэй холбогдож хүсэлтээ ирүүлнэ үү.