БНХАУ-д зохион байгуулагдаж буй олон улсын үзэсгэлэнд Монгол улсыг төлөөлж УБХТ-ын гишүүд амжилттай оролцож байна

            БНХАУ-ын Хэбэй мужийн Шижиажуан хотноо зохион байгуулагдаж буй 15 дахь удаагийн "Олон улсын бараа бүтээгдэхүүний үзэсгэлэн"-д Монгол улсыг төлөөлж Улаанбаатар Хотын Худалдааны Танхимын төлөөлөл, гишүүдийн хамт амжилттай оролцож Монголын бараа бүтээгдэхүүнийг сурталчилж байна. Энэхүү үзэсгэлэн нь найман өөр сэдэвтэй зохион байгуулагдаж байгаа бөгөөд 9 улсын бизнес эрхлэгчид, үйлдвэрлэгчид оролцож байна.

                 Тус үзэсгэлэнд Монгол улсын жижиг, дунд үйлдвэрлэл эрхлэгчдийг төлөөлж "Моод коллекшн", "Одь тан", "Файн вүүл кашмер", "Нүүдэлчин сэрэхүй", "ВиАрЭм", "Шилмэл дизайн" зэрэг компаниуд оролцож өөрсдийн бараа бүтээгдэхүүнийг Хятадын өмнөд мужуудын зах зээлд танилцуулж байна. Үзэсгэлэнд оролцож байгаа улсуудаас онцгойлон Монгол улсын павильонд Хятадын Худалдааны Танхимуудын Холбооны Ерөнхийлөгч ноён Жиан Мин, Шижиажуан хотын захирагч ноён Ма Юүжин, үзэсгэлэнг зохион байгуулагч албаны төлөөлөгчид болон Монгол улсаас БНХАУ-ын Хөх хотод суугаа консул Б.Гантулга нар айлчилж манай оролцогчдын бараа бүтээгдэхүүнтэй танилцаж хоёр хотын эдийн засаг, бизнесийн харилцааг өргөжүүлэн хөгжүүлэхээр ярилцан хамтын ажиллагааг эхлүүлээд байна.