"ЖДҮ эрхлэгчдийн олон улсын конференц" зохион байгуулагдана

Энэтхэгийн Шинэ Дели хотноо 2023 оны 3-р сарын 19 - 21-ний өдрүүдэд "ЖДҮ эрхлэгчдийн олон улсын конференц" зохион байгуулагдах гэж байна. Энэхүү арга хэмжээг БНЭУ-ын Бичил, жижиг, дунд аж ахуйн яам нь тус улсын Гадаад хэргийн яам болон Энэтхэгийн ЖДҮ-ийн форумтай хамтран зохион байгуулна. 

Тус арга хэмжээ нь ЖДҮ-ийн хөгжлийн сайн туршлагуудыг ярилцаж, хуваалцах олон улсын томоохон арга хэмжээний нэг бөгөөд дэлхийн олон улсын инновацлаг, тогтвортой хөгжиж буй төрөл бүрийн бизнес эрхлэгчид, ЖДҮ эрхлэгчдийн хооронд холбоо тогтоох, хамтран ажиллах эхлэлийг тавих платформ юм. 

Энэ удаагийн арга хэмжээний хүрээнд:

- Цэвэр технологи, ногоон эрчим хүч,

- Үйлдвэрлэлийн салбар

- Үйлчилгээний салбар

- Хөдөө аж ахуй, хүнсний үйлдвэрлэл гэх мэт 4 гол салбарт анхаарлаа хандуулан энэ чиглэлээр үйл ажиллагаа явуулж буй дэлхийн улс орнуудын ЖДҮ эрхлэгчдийг уулзуулах болно. 

Дэлгэрэнгүй мэдээлэл авахыг хүсвэл энд дарж мэдээлэл авна уу. Асууж тодруулах зүйл байвал УБХТ-тай холбогдоорой. 

Холбоо барих хаяг: Сүхбаатар дүүрэг, Ерөнхий сайд Амарын гудамж, Лагшан төв, 3а1 тоот

Утас: 7700-3883