"Бизнес ба хүний эрхийн магадлан шинжилгээ" сургалт боллоо

Европын холбооны санхүүжилттэй НҮБ-ын Хөгжлийн Хөтөлбөрөөс хэрэгжүүлж буй “Бизнес ба Хүний эрх: Хүний эрхийн магадлан шинжилгээ” сургалтыг Улаанбаатар Хотын Худалдааны Танхим 9-р сарын 7, 8-ны өдрүүдэд зохион байгууллаа.

Тус сургалт нь “Бизнес ба Хүний эрх Азийн хөтөлбөр”-ийн хүрээнд хувийн хэвшлийн аж ахуйн нэгжүүдийн чадавхийг сайжруулах, бизнесийн үйл ажиллагаа хүний эрхэд хэрхэн нөлөөлдэг талаарх мэдлэг, мэдээллийг түгээх зорилгоор тогтмол зохион байгуулах болно.    

Сургалтаар:

• Хүний эрхийн тухай ойлголт,
• Компанийн нийгмийн хариуцлага болон бизнес – хүний эрхийн ялгаа,
• Бизнес ба хүний эрхийн удирдах зарчмууд,
• Хүний эрхийн магадлан шинжилгээний тухай ойлголт, үе шатууд гэх мэт чиглэлүүдээр оролцогчдод мэдлэг олгосон үр дүнтэй сургалт болсон бөгөөд сургалтын үеэр сорил, асуулт хариулт, дасгал ажлууд гээд сонирхолтой, хөгжөөнтэй, мэдлэг, эргэцүүлэл, туршлага солилцсон чухал сургалт боллоо гэж суралцагчид дүгнэлээ.

Мөн цаашид хүний эрхийг хүндэтгэх, хамгаалах чиглэлээр компани дээрээ тодорхой арга хэмжээ авч, ажиллагсаддаа энэ талаарх мэдлэг, ойлголт олгож, эерэг хандлага түгээхийг эрмэлзэх болно хэмээсэн юм.

Цаашид уг сургалтад хамрагдах бол манай гишүүнчлэлийн мэргэжилтэнтэй (Утас: 77003883) холбогдохыг урьж байна.

Энэхүү сургалтыг зохион байгуулахад техникийн болон санхүүгийн дэмжлэг үзүүлсэн Европын холбооны санхүүжилттэй НҮБХХ-ийн "Бизнес ба хүний эрх" төслийн хамт олонд гүн талархал илэрхийлье.