"Үндэсний ба олон улсын арилжааны арбитр"-ын Арбитрчдын бүрэлдэхүүн шинэчлэгдэв
УБХТ бизнесийн маргааныг түргэн шуурхай шийдвэрлэх зорилгоор дэргэдээ "Үндэсний ба олон улсын арилжааны арбитр"-ыг 2015 онд байгуулан 7 дахь жилдээ амжилттай ажиллаж байна. Байгуулагдсан цагаас хойш өнөөг хүртэл тус арбитраар түрээсийн гэрээ, худалдах, худалдан авах гэрээ, ажил гүйцэтгэх гэрээ зэрэг бизнесийн бүх төрлийн гэрээний маргааныг түргэн шуурхай шийдвэрлэж байна.
Тус арбитр нь дотоод, гадаадын арбитрч нараас бүрдсэн "Арбитрын бүрэлдэхүүн"-тэй бөгөөд эдгээр арбитрч нар нь бүгд тодорхой салбаруудаар мэргэшсэн, олон улсад нэр хүндтэй, хүлээн зөвшөөрөгдсөн мэргэжлийн өндөр ур чадвартай, хөндлөнгийн, хараат бус шийдвэр гаргах ёс зүйтэй чадварлаг мэргэжилтнүүд байдаг.
Цаашид тус арбитр үйл ажиллагаагаа өргөжүүлэх, арбитрын бүрэлдэхүүнээ өргөжүүлэх, салбар бүрийн мэргэшсэн мэргэжилтнүүдийг маргаан хянан шийдвэрлэх ажиллагаанд оролцуулах зорилгоор дотоодын арбитрын бүрэлдэхүүнээ шинэчлэн "Арбитрчийн гэрчилгээ"-г гардуулан, цаашид хэрхэн хамтран ажиллах талаар нээлттэй ярилцах арга хэмжээг зохион байгууллаа.
"Үндэсний ба олон улсын арилжааны арбитр"-ын Арбитрч нартаа ажлын өндөр амжилт хүсье.
