“УЛААНБААТАР-ХӨРӨНГӨ ОРУУЛАЛТ” ДОЛОО ХОНОГ ӨДӨРЛӨГ АМЖИЛТТАЙ ЗОХИОН БАЙГУУЛАГДЛАА

Бизнес, хөрөнгө оруулалтын таатай орчныг бүрдүүлж, Улаанбаатар бүс нутгийн санхүүгийн төв болгоход дэмжлэг үзүүлэх зорилготой Улаанбаатар хотын худалдааны танхимаас 3-р сарын 16-20нд “Улаанбаатар–Хөрөнгө оруулалт” долоо хоногийг зарласан билээ.

Уг долоо хоногийн хүрээнд нийслэл хотод хэрэгжих боломжтой төсөл, бизнесийн хамтын ажиллагаа, хөрөнгө оруулалтын орчны талаар мэдээлэл солилцох, бизнесийн түншлэл бий болгох зорилготой нийт таван арга хэмжээ зохион байгуулав.

-Тус долоо хоногийн өдөрлөгийн эхний өдөр нь Улаанбаатар хотод хэрэгжүүлэхээр төлөвлөж буй төсөл, хөтөлбөрүүдийн талаар гадаадын хөрөнгө оруулагчид, бизнес эрхлэгчдэд танилцуулан, санхүүжилт, хөрөнгө оруулалтын эх үүсвэр хайж буй компаниудад нэг дороос мэдээлэл авах боломжийг бүрдүүлсэн уулзалт

-Хоёр дахь буюу 3-р сарын 17-ны үдээс өмнө БНХАУ, үдээс хойш бусад гаадаадын хөрөнгө оруулагч, бизнес эрхлэгчдэд хэрэгтэй хууль эрх зүйн зөвлөгөө, мэдээлэл өгөв;

-3-р сарын 19-нд Гадаад худалдааны сургалт;  

-Сүүлийн өдөр буюу 3-р сарын 20-нд санхүүгийн байгууллагууд хөрөнгө оруулалтын боломжуудаа танилцуулж, санхүүгийн үйлчилгээнүүдийн мэдээлэл өгч, нэтворкин тогтоосон В2В уулзалт хийснээр “Улаанбаатар-Хөрөнгө оруулалт” долоо хоног өндөрлөлөө.

Мөн өдөрлөгийн үеэр 3-р сарын 16-нд “Агро сити” эдийн засгийн тусгай бүс, “Улаанбаатар түншлэл төв” ХХК, “Хүннү хотын хөгжлийн корпорац” ХХК, “Налуу Ухаа” Эдийн засгийн тусгай бүс, Улаанбаатар хөрөнгө оруулалт менежмент ҮЦК ХХК төслийн танилцуулгуудаа хүргэсэн бол, 3-р сарын 17-нд "Үндэсний ба олон улсын арилжааны арбитр", “Өмгөөллийн Цэц партнерс” ХХК, “Өмгөөллийн Номадикс Бизнес Лоу Фирм” ХХК , “Ариун адвокэйтс” ХХН, “Өмгөөллийн Жун мон гуо жи” ХХК, “Алисон энд Кейт Партнерс” ХХК-ийн мэргэжилтнүүд хүрэлцэн ирсэн зочдод хууль, эрх зүйн зөвлөгөө, мэдээлэл өгөн оролцлоо.

3-р сарын 20-нд Хаан банк, "Би Ай Би Дисковэри" ХХК, Улаанбаатар хөрөнгийн бирж, "Монэксалл" ХХК, Үйлдвэр технологийн эко паркийн төсөл танилцуулсан юм. 

-