УБХТ-ЫН ДЭРГЭД МОНГОЛЫН ФИНТЕК, БЛОКЧЭЙНЫ ЗӨВЛӨЛ БАЙГУУЛАГДЛАА

Улаанбаатар хотын Худалдааны Танхим (УБХТ) нь нийслэлийн хөгжлийг дэмжих, бизнес эрхлэгчдийн эрх ашгийг хамгаалах, хөгжлийн бодлого боловсруулах талаар гишүүдийнхээ дуу хоолойг нийслэлийн болон төр засгийн удирдлагуудад хүргэж хамтран ажилласаар ирсэн билээ. Тус танхимын дэргэд технологийн хөгжлийг түүчээлэх, хууль эрх зүйн орчныг хамтарч бүрдүүлэх, хэрэглэгчдийн эрх ашгийг хамгаалах, олон нийтийн мэдлэг боловсролд анхаарах зорилго бүхий Монголын финтек, блокчэйны зөвлөл байгуулагдлаа. Зөвлөлийн тэргүүнээр "Булган Ундарга" ХК-ийн Гүйцэтгэх захирал Б.Гантиг, нарийн бичгийн даргаар УБХТ-ын Хэвлэл мэдээллийн албаны дарга Х.Оюунсүрэн нарыг томилов.

Харин гишүүдээр Д.Чадраабал ("Ард Би"т ХХК Үйл ажиллагаа хариуцсан захирал), Ч.Ганзориг ("Ард Экс" ХХК-ийн Гүйцэтгэх захирал), Г.Лхамсүрэн ("Ай Си Ти Групп" ХК-ийн Үүсгэн байгуулагч), А.Баттамир ("Ай Си Ти Групп" ХК-ийг Үүсгэн байгуулагч), Ө.Үнэнбүрэн ("Бит Мон Экс" ХХК-ийг Үүсгэн байгуулагч), Б.Гэрэлмаа ("Степп Групп" ХХК-ийг Үүсгэн байгуулагч ), О.Баттулга ("КойнХаб" ХХК-ийг Үүсгэн байгуулагч, Гүйцэтгэх захирал), Б.Эрхэмээ ("Хару Групп" ХХК-ийг Үүсгэн байгуулагч), О.Мөнхжин (МОТ Wealth Academy үүсгэн байгуулагч), Мөнх-Эрдэнэ (Омни Солюшнз ХХК-ийг Үүсгэн байгуулагч), М.Хатанбүүвэй ("Инфинит Солюшнз" ХХК-ийн Бизнес хөгжлийн Захирал), Ж.Золзаяа (Дриймэрс Нэгдлийн үүсгэн байгуулагч), Г.Түвшинбилэг (Степп Группийн хөрөнгө оруулалт хариуцсан захирал) нарыг ажиллуулахаар сонгоод байна.