• Дотоод мэдээ
  • БНХАУ-аас манай улсын 13 үйлдвэрт гурил экспортлох зөвшөөрөл олгов

БНХАУ-аас манай улсын 13 үйлдвэрт гурил экспортлох зөвшөөрөл олгов

2022/01/04

Засгийн газраас тариалангийн салбарт хэрэгжүүлсэн ажил, арга хэмжээ, тариаланчдад үзүүлсэн дэмжлэгийн үр дүнд 2021 онд 605.6 мянган тонн үр тариа, үүнээс 567 мянган тонн улаанбуудай, 181.5 мянган тонн төмс, 118.6 мянган тонн хүнсний ногоо, 302.5 мянган тонн тэжээлийн ургамал, 53.6 мянган тонн тосны ургамал буюу нэгжээс үр тариа 15.1 цн, хүнсний ногоо 117.9 цн, малын тэжээл 28.3 цн-ийг тус тус хураан авчээ. 

Энэ нь 1989-1990 оны түвшинд хүрсэн үзүүлэлт бөгөөд  2020 оны ургацын дүнтэй харьцуулахад үр тариа 173.4 мянган тонноор, үүнээс улаанбуудай 155.8 мянган тонноор, тэжээлийн ургамал 130.8 мянган тонноор, тосны ургамал 32.3 мянган тонноор, хүнсний ногоо 3.6 мянган тонноор тус тус ахисан үзүүлэлт болсон юм.

Улаан буудайн ургац арвин хурааж байгаа энэ үед БНХАУ-ын Гаалийн ерөнхий газраас гурил экспортлох зөвшөөрлийг Монгол Улсын нэр бүхий 13 үйлдвэрт 2021 оны 12-р сарын 24-ний өдөр олгожээ. Ингэснээр манай улсын газар тариалангийн үйлдвэрлэл тогтвортой хөгжих, экспортын чиглэлтэй бараа бүтээгдэхүүн үйлдвэрлэхэд түүхий эдээр хангах бололцоо бүрдэв гэж ХХААХҮ-ийн сайд З.Мэндсайхан мэдэгдлээ.  

Үндсэн цэс