"УЛААНБААТАР-B2G" ТӨР, ХУВИЙН ХЭВШЛИЙН ХАМТЫН АЖИЛЛАГААГ ӨРГӨЖҮҮЛЭХ УУЛЗАЛТ БОЛОВ

12-р сарын 8-нд Улаанбаатар хотын худалдааны танхимын гишүүн ААН-үүд Нийслэлийн Засаг дарга бөгөөд Улаанбаатар хотын Захирагч Х.Нямбаатар болон нийслэлийн удирдлагууд, холбогдох мэргэжилтнүүдтэй "Улаанбаатар-B2G" буюу төр, хувийн хэвшлийн хамтын ажиллагааг өргөжүүлэх уулзалт хийлээ.

Уулзалтаар НЗДТГ-аас "Улаанбаатар метро", "Улаанбаатар трамвай", "Лаг шатаах үйлдвэр" төслүүдийн техник, эдийн засгийн үндэслэл, хөрөнгө оруулалтын схем, хэрэгжүүлэх бизнес загваруудаа танилцуулж, хувийн хэвшлийн санал, мэдээллийг авч, тус төслүүдийг бодитой хэрэгжүүлэх, хөрөнгө оруулалт татах, төр, хувийн хэвшлийн хамтын ажиллагааг өргөжүүлэхэд чиглэсэн юм.

Засаг дарга 2026 оны үйл ажиллагааныхаа зорилтын нэгээхэн хэсгийг хувийн ААН, байгууллагуудтай хамтарч ажиллах зорилготой байгаа тул цаашид сар бүр УБХТ-ын гишүүн байгууллагуудтай уулзалт хийж байхаар болов.