УБХТ БА НҮБ-ЫН ХҮҮХДИЙН САН ХООРОНД САНАМЖ БИЧИГ БАЙГУУЛЛАА

Улаанбаатар хотын худалдааны танхим НҮБ-ын хүүхдийн сан хооронд харилцан ойлголцлын санамж бичиг байгууллаа

Энэхүү Харилцан ойлголцлын “Санамж бичиг”-т:

1. Хүүхдийн эрхийн тухай конвенцын гол үнэт зүйлс болон Тогтвортой хөгжлийн зорилго 2030-ыг тууштай баримтлан ажиллана.

2. Бизнесийн бүхий л үйл ажиллагаанд хүүхдийн эрхийг хүндэтгэж, биелүүлэх явдлыг хангана.

3. Монголын эмэгтэйчүүд, хүүхдүүдийн эсэн мэнд амьдрах, хөгжих, оролцох, хамгаалуулах эрхийг ханган биелүүлэхэд дэмжлэг үзүүлэн, хамтарч ажиллана.

4. Нийгэм-эдийн засгийн байдал, хүйс, үндэс угсаа, шашин шүтлэг, хөгжлийн бэрхшээл болон ялгаатай байдлын бусад тэнхлэгт тулгуурласан тэгш бус байдлыг бууруулах, нийгмийн суурь үйлчилгээний чанар, хамрах хүрээг нэмэгдүүлэхийн төлөө тууштай ажиллахад хамтарч ажиллахаар болов.

Үүний тулд

1. Хүртээмжтэй боловсрол буюу эрдэм шинжилгээний бат бөх суурийг бий болгоход дэмжлэг үзүүлэх төслүүд дээр хамтран ажиллаж, сургалт орж, зөвлөгчөөр хангаж ажиллана.

2. Тогтвортой орлогоор дамжуулан хүүхдийн эрхийг хамгаалах буюу УБХТ-ын туршлагад тулгуурлан эмэгтэйчүүдийн бизнес эрхлэх санаачлагыг өргөжүүлэхийг зорьж ажиллана.

3. Аюулгүй сургууль буюу сургуулийн орчинд сурагчдын аюулгүй байдал, сайн сайхан байдлыг сайжруулахад чиглэсэн арга хэмжээ авах зөвлөмж боловсруулна.

4. Хүүхдийн эрх ба бизнесийн зарчмууд буюу хамтын ажиллагааг дүгнэх, мэдээлэл солилцох, хийгдэж буй үйл ажиллагаанд үнэлэлт дүгнэлт өгөх, хяналт тавих, шинэ чиглэл, үйл ажиллагааны талаар хэлэлцэх зорилгоор хагас жил тутмын уулзалтуудыг зохион байгуулж байхаар болов.